તાપીમિત્ર ન્યુઝ,બારડોલી:૨૫ થી પણ વધુ રાજ્યોમાં યોજાતી રાષ્ટ્રીય કક્ષાની ચિત્ર સ્પર્ધા 'રંગોત્સવ' માં શ્રી રાધાગોવિંદ વિદ્યામંદિર, નિણતની ધોરણ:- 4 ની વિદ્યાર્થીની પાર્થી મનોજભાઈ પટેલ પ્રથમ ક્રમે વિજેતા થઈ શાળાનું ગૌરવ વધાર્યું હતું. સાથે સાથે રંગોત્સવ સ્પર્ધામાં હેન્ડ રાઇટિંગ, કલરીંગ, કાર્ટૂન મેકીંગ, ગ્રીટીંગ કાર્ડ મેકીંગ, કોલાજ વર્કમાં વિજેતા વિદ્યાર્થીઓને મેડલ તેમજ ટ્રોફી વિતરણ થયા હતા. તે બદલ શાળાનાં આચાર્યા શ્રીમતી મનીષાબેન પટેલ તેમજ શાળાના ચેરમેન શ્રી ગોવિંદભાઇ પટેલ અને મેનેજમેન્ટ તરફથી વિજેતા તેમજ ચિત્ર શિક્ષક ધવલ પટેલનું અભિનંદન પાઠવીને સન્માન કરવામાં આવ્યું હતું.