તાપીમિત્ર ન્યુઝ,બારડોલી:શ્રી રાધાગોવિંદ વિદ્યામંદિર, નિણતમાં વાર્ષિકોત્સવની રંગેચંગે ઉજવણી થઈ હતી. જેમાં વડીલ વંદના, નો પ્લાસ્ટિક તેમજ દેશભક્તિ થીમ પર સમગ્ર કાર્યક્રમનું આયોજન થયું હતું. કાર્યક્રમમાં લૉ કોલેજ નવસારીના પ્રિન્સીપાલ શ્રીમતી શહેનાઝ બીલીમોરિયા તેમજ નર્સિંગ કોલેજ નવસારીના પ્રો. આશિષ જૈન ઉપસ્થિત રહી વિદ્યાર્થીઓનો ઉત્સાહ વધાર્યો હતો. શાળાના આચાર્યા શ્રીમતી મનીષાબેન પટેલ દ્વારા સમગ્ર વર્ષ દરમ્યાન થતી સહઅભ્યાસિક પ્રવૃત્તિઓ અને શાળાકીય પરિણામનો અહેવાલ રજૂ થયો હતો. શાળાના ચેરમેન શ્રી ગોવિંદભાઇ પટેલ તેમજ ટ્રસ્ટીશ્રી સન્મુખભાઈ પટેલ દ્વારા શાળા પરિવારની પ્રશંસનીય કામગીરીને બિરદાવવામાં આવી હતી.