તાપીમિત્ર ન્યુઝ,સુરત:વેસૂના આગમ આર્કેડ ખાતે આવેલ શિવમ બેકરીમાં ખરીદી કરવા આવેલી પરિણીતાનો રૂ.૩૦ હજારની કિંમતનો મોબાઈલ અજાણ્યો ઈસમ ચોરી કરી નાસી છૂટ્યા હોવાનો બનાવ પોલીસ ચોપડે નોંધાયો છે. વેસૂના આગમ આર્કેડ ખાતે આવેલ હેમંદ પાર્કમાં જ્યોતિષ પટેલ પરિવાર સાથે રહે છે અને નોકરી કરી પરિવારનું ગુજરાન ચલાવે છે. ૨૫મી ડિસેમ્બરની સવારે જ્યોતિષભાઈની પત્ની અમૃતાબેન ઘર પાસે આવેલી શિવમ બેકરીમાં ખરીદી કરવા માટે ગયા હતા. તે દરમિયાન કોઈક અજાણ્યા ઈસમે અમૃતાબેનનો રૂ.૩૦ હજારની કિંમતનો મોબાઈલ ચોરી કરી નાસી છૂટ્યો હતો. બનાવ સંદર્ભે અમૃતાબેનની ફરિયાદના આધારે ઉમરા પોલીસે મોબાઈલ ચોરીનો ગુનો નોંધી વધુ તપાસ હાથ ધરી છે.(સાંકેતિક તસ્વીર)