તાપીમિત્ર ન્યુઝ,સુરત:થર્ટીફસ્ટના તહેવારમાં પૈસા કમાવવા માટે પહેલેથી જ દારૂ લઈને સંગ્રહ કરવાના અનેક કિસ્સાઓ અવરનવર­ પ્રકાશમાં આવતા રહે છે. ત્યારે આવો જ એક કિસ્સો કાપોદ્રા પોલીસે ઉજાગર કર્યો છે. જેમાં પોલીસને મળેલી બાતમીના આધારે કાપોદ્રાના ક્સ્ટિલ પ્લાઝાના પાર્કિંગ માથી દારૂ ભરેલી કાર સાથે બે ઈસમોને ઝડપી પાડ્યા હતા. પોલીસે કાર અને દારૂ મળી કુલ્લે રૂ.૨.૩૩ લાખનો મુદ્દામાલ કબજે કર્યો હતો. કાપોદ્રા પોલીસ મથકના પોલીસ ઈન્સ્પેક્ટર એમ.કે.ગુજ્જરના માર્ગદર્શન હેઠળ સર્વેલન્સ સ્ટાફના પીએસઆઈ બી.એમ.કરમટા સ્ટાફના માણસો સાથે પોસ્ટે હદ વિસ્તારમાં પેટ્રોલિંગ કરી રહ્યા હતા. તે દરમિયાન હેડ કોન્સ્ટેબલ કમલેશ ­વિણ, ભગીરથસિંહ ઘનશ્યામસિંહ તેમજ રાકેશ જયસિંગનાઓને એવી માહિતી મળી હતી કે,એક વિદ્યાર્થી સહિત બે ઈસમો કારમાં દારૂ લઈને આવ્યા છે અને હાલ કાર કાપોદ્રાના ક્રિસ્ટલ પ્લાઝાના પાર્કિંગમાં લઈને ઉભા છે જે હકીકતના આધારે પોલીસે ઉપરોક્ત સ્થળે છાપો મારી દારૂ ભરેલી કાર સાથે કાપોદ્રાની ઈશ્વરકૃપા સોસાયટીમાં રહેતો વિદ્યાર્થી અક્ષય કોસીયા અને પુણાગામ ખાતેના શિક્ષા પાત્રી એવન્યુમાં રહેતો ઉમેશ માવાણીને ઝડપી પાડ્યા હતા. પોલીસે ઘટના પાસેથી દારૂ અને કાર મળી કુલ્લે રૂ.૨.૩૩ લાખનો મુદ્દામાલ કબજે કર્યો હતો.(ફાઈલ ફોટો)