તાપીમિત્ર ન્યુઝ,સુરત:ઉધના વિસ્તારમાં આવેલ ગાયત્રીનગર વિભાગ-૨ના એક મકાનમાં ગેસ સિલીન્ડર લિકેજ થયા બાદ આગ લાગી જતા નાસભાગ મચી જવા પામી હતી. ઘટનાની જાણ થતા જ ફાયરનો કાફલો ઘટના સ્થળે દોડી આવી લાગેલી આગ ઉપર પાણીનો મારો ચલાવી ભારે જહેમતબાદ આગ ઉપર કાબુ મેળવ્યો હતો. ઉધના વિસ્તારમાં આવેલ ગાયત્રીનગર વિભાગ ૨ના એક મકાનમાં બુધવારે રાત્રે અચાનક ગેસનો બાટલો લિકેજ થયા બાદ આગ લાગી જતા નાસભાગ મચી જવા પામી હતી. ઘટનાની જાણ ફાયરખ્રિગેડને થતા ફાયરના લાશ્કરો તાત્કાલિક ઘટના સ્થળે દોડી આવ્યા હતા અને લાગેલી આગ ઉપર પાણીનો મારો ચલાવી ભારે જહેમત બાદ આગ ઉપર કાબુ મેળવ્યો હતો. આ ઘટનામાં કોઈ જાનહાનિ થવા પામી ન હતી.(ફાઈલ તસ્વીર)