તાપીમિત્ર ન્યુઝ,સુરત:સુરતીઓ સૂર્યગ્રહણને સમજી શકે તે માટે સાન્યન્સ સેન્ટર દ્વારા સૂર્યગ્રહણ દર્શન કાર્યક્રમનું આયોજન કરવામાં આવ્યું હતું. આજના સૂર્યગ્રહણને મોટી સંખ્યામાં સુરતીઓ સાયન્સ સેન્ટરમાં જઈને વિના મૂલ્યે જોવામાં આવ્યું હતું. જ્યારે સૂર્યગ્રહણના પગલે અંબિકા નિકેતન સહિતના સુરતના તમામ મંદિરો બંધ રાખવામાં આવ્યા હતા. ૧૧ વાગ્યા બાદ તમામ મંદિરો દર્શન માટે ખોલવામાં આવ્યા હતા. આ વર્ષે પહેલું સૂર્યગ્રહણ ૬ જાન્યુઆરીના રોજ લાગ્યું હતું અને બીજું સૂર્યગ્રહણ ૨ જૂલાઈના રોજ લાગ્યું હતું. ૬ જાન્યુઆરી અને ૨ જૂલાઈના રોજ લાગેલું ગ્રહણ ભારતમાં દેખાયા ન હોતા પણ આજનું ત્રીજું સૂર્યગ્રહણ ભારતમાં જોવા મળ્યું છે. સાયન્સ સેન્ટર સુરત ખાતે ઉપલબ્ધ ટેલિસ્કોપ દ્વારા સૂર્યગ્રહણ બતાવવાની વ્યવસ્થા કરવામાં આવી હતા. જેમાં સુરતીઓ વિના મૂલ્યે જોવા માટે ઉમટી પડ્યા હતા. ગુરૂવારે સવારે ૮.૦૫ કલાકથી સૂર્યગ્રહણનો પ્રારંભ થયો હતો, જેનો ૧૦.૫૬ કલાકે મોક્ષ થયો હતો. આ દરમિયાન શાસ્ત્રોમાં કોઈપણ શુભ કાર્ય કરવાની મનાઈ છે. તેમજ ગ્રહણના સમાપન બાદ સ્નાન કરી દાન કરવાથી વિશેષ ફળ પ્રાપ્ત થાય છે. ગ્રહણના સમાપન બાદ શહેરના તમામ મંદિરોમાં પણ સફાઈ કરી ભગવાનને સ્નાન કરાવી ભક્તો માટે દર્શન કરવા મંદિરો ખુલ્લા મુકવામાં આવ્યા હતા.