તાપીમિત્ર ન્યુઝ,સુરત:ખટોદરા જાગાણી માતાના મંદીર પાસે આવેલા એક શો રૂમના પાર્કીંગમાં ઉભેલા યુવકની બેગમાંથી રોકડા રૂ.૪ હજાર ચોરી ભાગી છુટ્યા હતા.અમરોલી સાંસ્કૃત રો હાઉસમાં રહેતા તુષારભાઇ જીગ્નેશભાઈ ધામેલીયા નોકરી કરી પરિવારનું ગુજરાન ચલાવે છે.તા.૪થી ડિસેમ્બરના રોજ સવારના ૧૦ વાગ્યાના અરસામાં તુષારભાઇ ખટોદરા જાગાણી માતાના મંદીર પાસે આવેલા મહિન્દ્રા શો રૂમના પાર્કીંગમાં બેગ લઇને ઉભા હતા.તે દરમ્યાન અજાણ્યા શખ્સોએ તેમની નજર ચુકવી બેગમાંથી રોકડા રૂ.૪ હજાર ચોરી કરી ભાગી છુટ્યા હતા. આ બનાવ સંદર્ભે તુષારભાઇએ ખટોદરા પોલીસ મથકમાં ફરીયાદ નોધાવી હતી. પોલીસે ગુનો નોધી તપાસ હાથ ધરી છે.