તાપીમિત્ર ન્યુઝ,સુરત:મુસાફરોના સ્વાંગમાં રિક્ષામાં બેસેલા ચાર લૂંટારૂઓએ યુવાનને મારમારીને મોબાઇલ ફોન લૂંટી લીધાની ફરિયાદ પુણા પોલીસ મથકે નોંધાવવામાં આવી હતી.ઓલપાડ તાલુકાના સાંદિયેરગામે રહેતા ગુણવંત રણછોડભાઇ પટેલ સરોલી વિસ્તારમાં આવેલી એક ખાનગી કંપનીમાં નોકરી કરે છે. ગુણવંત પટેલ કોઇ કામ અર્થે નીકળ્યા હતા. તેઓ ઓટો રિક્ષા નં. ૫૫૮૧માં મુસાફરી કરતા હતા. આ રિક્ષા સારોલી રોયલ ટ્રાન્સપૉર્ટ પાસે પહોંચી હતી. ત્યારે રિક્ષામાં મુસાફરોના સ્વાંગમાં બેઠેલા ચાર લૂંટારૂઓએ તેમની પાસેનો રૂ. ૫ હજારની કિંમતનો મોબાઇલ ફોન લૂંટવાની કોશિશ કરી હતી.જોકે, ગુણ‌વંતે પ્રતિકાર કરતા આ લૂંટારૂઓએ તેમને મારામારી ફોન લૂંટી નાસી ગયા હતા. આ બનાવ અંગે ગુણવંત રણછોડ પટેલે પૂણા પોલીસ સ્ટેશનમાં ફરિયાદ નોંધાવી હતી. જેમાં પૂણા પોલીસે લૂંટનો ગુનો નોંધી તપાસ શરૂ કરી છે.