તાપીમિત્ર ન્યુઝ,સુરત:અડાજણના પાલનપુર રોડ પર આવેલ વૈભવ સોસાયટીની એક પ્લાયવુડને દુકાનને તસ્કરોએ નિશાન બનાવી રૂ.૪૨ હજારની મત્તા ચોરી કરી નાસી છુટ્યા હોવાનો બનાવ પોલીસ ચોંપડે નોંધાયો છે.કતારગામના ઉદયનગર સોસાયટીમાં રોહીત ગેડીયા પરિવાર સાથે રહે છે અને અડાજણના પાલનપુર રોડ પર આવેલ વૈભવ સોસાયટીમાં ક્રિષ્ણા હાર્ડવેર એન્ડ પ્લાયુવડના નામે દુકાન ધરાવે છે. ૧૨મી નવેમ્બરની રાત્રે અજાણ્યા તસ્કરોએ રોહીતભાઇની દુકાનને નિશાન બનાવી હતી. તસ્કરોએ દુકાનની શટરને મારેલ તાળું કોઇ સાધન વડે તોડી નાંખ્યા બાદ પ્રવેશ કરી ટેબલના ખાનામાં મુકેલા રોકડા રૂ.૪૨ હજારની ચોરી કરી નાસી છુટ્યા હતા.બનાવ સંદર્ભે રોહીતભાઇની ફરીયાદના આધારે અડાજણ પોલીસે ચોરીનો ગુનો નોંધી વધુ તપાસ હાથ ધરી છે.