તાપીમિત્ર ન્યુઝ,સુરત:વેસુ વી.આઇ.પી. રોડ નંદની-૩ની નજીક આવેલી સીટી બસ સ્ટેન્ડમાં રાત્રિના સમયે ત્રણ અજાણ્યાએ બસ સ્ટેન્ડના છાપરાની એલ્યુમિનીયમની પ્લેટ કાઢી ચોરી કરવાનો પ્રયાસ કર્યો હોવાનું સામે આવ્યુ છે. જોકે સીસીટીવી કેમેરામાં ત્રણના ફુટેજ કેદ થયા હતા.જહાંગીરપુરા બી.આર.પાર્ક સોસાયટીમાં રહેતા હિમાંશુભાઇ દેવજીભાઇ ગોહીલ સીટી બસ સર્વિસમાં નોકરી કરી પરિવારનું ગુજરાન ચલાવે છે. તા.૧૧મી નવેમ્બરના રોજ રાત્રિના સમયે વેસુ વી.આઇ.પી. રોડ નંદની -૩ ની બાજુમાં આવેલા સીટી બસ સ્ટેન્ડમાં તસ્કરો ઘુસી ગયા હતા. તસ્કરોએ બસ સ્ટેન્ડના છાપરાની એલ્યુમિનીયમની પ્લેટ કાઢી ચોરી કરવાનો પ્રયાસકર્યો હતો. આ સમગ્ર ઘટના ત્યાં લાગેલા સીસીટીવી કેમેરામાં ત્રણ તસ્કરોના ફુટેજ કેદ થઇ ગયા હતા. આ બનાવ સંદર્ભે હિમાંશુભાઇએ ઉમરા પોલીસ મથકમાં ફરીયાદ નોંધાવી હતી. પોલીસે ગુનો નોંધી તપાસ હાથ ધરી છે.