તાપીમિત્ર ન્યુઝ,સુરત:પરવટ પાટીયા રંગ અવધુત સોસાયટીની પાછળ ખાડી રોડ પરથી પોલીસે બાતમીના આધારે દારૂનો જથ્થો ઝડપી પાડ્યો હતો. જો કે બુટલેગર સ્વીફટ કાર લઇને ભાગવામાં સફળ રહ્યો હતો. પોલીસે કારમાંથી રૂ.૮૬,૪૦૦ની ૧,૩૪૦ નંગ દારૂની બોટલ કબજે કરી હતી.પુણા પોલીસને બાતમી મળી હતી કે પરવટ પાટીયા રંગ અવધુત સોસાયટીની પાછળ ખાડી રોડ પર અંધારામાં સ્વીફટ કારમાં દારૂનો જથ્થો લઇને બુટલેગર પસાર થવાનો છે. આ હકીકતના આધારે પોલીસે વોચ ગોઠવી હતી. પરંતુ રામચંદ્ર ઉર્ફે ચંદન રામજીત યાદવને પોલીસની રેડ અંગે જાણ થઇ જતાં તે અંધારાનો લાભ લઇ સ્વીફટ કારમાં બેસીને ભાગી ગયો હતો. જોકે ખાડી રોડ પર દારૂનો જથ્થો પોલીસને હાથ લાગી ગયો હતો. પોલીસે રૂ.૮૬,૪૦૦ની ૧,૩૪૦ નંગ દારૂની બોટલ કબજે કરી હતી. ભાગી ગયેલો બુટલેગર રામચંદ્ર ખાડી રોડ પર સ્વીફટ કાર સાઇડ પર પાર્ક કરીને દારૂનો જથ્થો રોડ પર મુકીને ઉભો હતો. પરંતુ પોલીસને જોઇ જતાં તે દારૂનો જથ્થો મુકીને ભાગી ગયા હોવાનું સૂત્રો જણાવી રહ્યા છે. પોલીસે તેના વિરૂધ્ધ ગુનો નોંધી તપાસ હાથ ધરી છે.