તાપીમિત્ર ન્યુઝ-વ્યારા:વ્યારાના ચીખલવાવ ગામે ગઠિયાઓએ સોનાનું મંગળસૂત્ર ચમકાવી આપવાના બહાને મંગળસૂત્ર લઈ નાશી છૂટ્યા હતા.જોકે,ગણતરીના કલાકોમાં જ ગઢિયાઓ જેલના સળિયા ગણતા થઈ ગયા હતા.મળતી માહિતી અનુસાર વ્યારા તાલુકાના ચીખલવાવ ગામના નિશાળ ફળિયામાં રહેતી કલ્પનાબેન અમિતભાઈ ગામીત નાઓ તથા તેમનો દિકરો રૂદ્ર (ઉ.વ.૪) નાઓ સાથે પોતાના ઘરે હતા ત્યારે (૧)અભિષેક દશરથ શાહ રહે,લક્ષ્મીપુર થાના બરારી જી.કટીગહાર(૨)સુજીતભાઇ મહેશભાઇ કંસારા રહે,વ્યારા શંકર ફળીયુ તા.વ્યારા જી.તાપી નાઓ કલ્પનાબેન ગામીતના ઘરે આવી વ્હીમ લીકવીટ વેચવા માટે આવેલા છીએ તેમ કહી પ્રથમ દિકરાની ચાંદીની લુઝ ચમકાવી આપી વિશ્વાસમાં લઇ લેતા કલ્પનાબેનએ સોનાનુ મંગળસુત્ર આશરે-૧૧ ગ્રામનુ કાળા મણકા વાળુ કિ.રૂ.૩૦,૦૦૦/-નુ સ્ટીલના ડબ્બામાં ચમકાવવા માટે આપતા બંને ગઢિયાઓએ નજર ચુકવી સોનાનું મંગળસુત્ર લઇ રકૂચક્કર થઈ ગયા હતા,બનાવ અંગે ગ્રામજનોને જાણ થતાં પોલીસને જાણ કરી હતી અને ગઢિયાઓની શોધખોળ શરૂ કરી હતી તે દરમિયાન બંને ઠગ ગઢિયાઓ કપુરા ગામ માંથી તેઓની મોટર સાયકલ સાથે આબાદ ઝડપાઇ ગયા હતા,વ્યારા પોલીસે મહિલાની ફરિયાદના આધારે બંને ઠગ ગઢિયાઓ સામે ગુનો દાખલ કરી આગળની વધુ તપાસ શરૂ કરી છે.