તાપીમિત્ર-સોનગઢ:સોનગઢના વેલ્ઝર ગામ માંથી એક એકટીવા ગાડી સાથે 48 હજારનો ઈંગ્લીશ દારૂ પોલીસ જવાનોએ ઝડપી પડ્યો છે,જોકે,ઈંગ્લીશ દારૂ સપ્લાય કરવા માટે આવેલ પીકઅપ ગાડીમાં સવાર થઇ આરોપીઓ ફરાર થઇ ગયા હોવાનું જાણવા મળ્યું છે.જેમને પોલીસ ચોપડે વોન્ટેડ જાહેર કરવામાં આવ્યા છે.પોલીસ સુત્રો પાસેથી મળતી માહિતી મુજબ સોનગઢ તાલુકાના વેલ્ઝર ગામના ચંડી ફળિયામાં આવેલ ભાતના ખેતર માંથી તા.17મી સપ્ટેમ્બર 2019 નારોજ રાકેશભાઈ જયંતીભાઈ ગામીત નાઓ તેના કબજાનો પીકઅપ ગાડીમાં ભારતીય બનાવટનો ઈંગ્લીશ દારૂ રોયલ સ્પેશિયલ ઓલ્ડ વિસ્કીના બોક્સ નંગ-20 બાટલી નંગ-960 જેની કી.રૂ.48,000/-નો દારૂ એકટીવા નંબર જીજે-26-પી-8863 વાળા આરોપીને ડિલેવરી કરી રહ્યો હતો તે દરમિયાન પોલીસ જવાનોએ રેડ કરી હતી.રેડ દરમિયાન એકટીવા ગાડીનો ચાલક પોતાની ગાડી સ્થળ પર જ મૂકી દારૂ સપ્લાય કરવા માટે આવેલ પીકઅપ ગાડીમાં સવાર થઇ ફરાર થઇ ગયો હતો,પોલીસ જવાનોએ સ્થળ પરથી 48 હજારનો દારૂ અને એકટીવા ગાડી મળી કુલ્લે રૂપિયા 73,000/-નો મુદ્દામાલ જપ્ત કર્યો હતો,આ મામલે દારૂની હેરાફેરીમાં સંડોવાયેલા રાકેશભાઈ જયંતીલાલ ગામીત રહે,ચંડી ફળિયા,વેલ્ઝર-સોનગઢ અને એકટીવા ચાલકને સોનગઢ પોલીસ ચોપડે વોન્ટેડ જાહેર કરી તેમને શોધવા માટેના ચક્રોગતિમાન કર્યા હોવાનું જાણવા મળ્યું છે,