ઉત્તરપ્રદેશનાં કાનપુરમાં બાબુપુરવા સ્થિત 40 દુકાન માર્કેટમાં આગ લાગવાની ઘટના સામે આવી છે. મળતી માહિતી પ્રમાણે સવારે લગભગ 5 વાગે ભીષણ આગ ફાટી નીકળી હતી. એક દુકાનમાં શોર્ટ સર્કિટનાં કારણે લાગેલી આગ ટૂંક સમયમાં આજુબાજુ આવેલી દુકાનોમાં ફેલાઈ હતી. આ આગ થોડી જ વારમાં આસપાસની 10 દુકાનોને પણ લપેટમાં લીધી હતી.

જોકે ભીષણ આગ જોઈને વિસ્તારમાં અફરા-તફરીનો માહોલ સર્જાયો હતો. લોકોએ આગ અંગે પોલીસ અને ફાયર બ્રિગેડને જાણ કરી હતી. આગની ઘટનાની માહિતી મળતા જ ફઝલગંજ અને મીરપુર કેન્ટના ત્રણ ફાયર ટેન્ડર ઘટના સ્થળે પહોંચ્યા હતા અને લગભગ દોઢ કલાકની જહેમત બાદ આગ પર કાબૂ મેળવી શકાયો હતો.