સોનગઢ તાલુકાના એક ગામમાં દાદા પાસે રહેતી 15 વર્ષીય સગીરાને એના મૂળ ગામમાં રહેતો આરોપી યુવક લગ્નની લાલચ આપી ભગાડી જતાં સોનગઢ પોલીસ મથકે ગુનો દાખલ થયો હતો.

 

 

 

મહારાષ્ટ્રના નવાપુર તાલુકાના એક ગામમાં રહેતા પિતા જે ખેતી અને મજૂરી કરી જીવન ગુજરાન ચલાવે છે અને એમની 15 વર્ષની દીકરીને ગામના જ એક યુવક હિતેશ માવચી સાથે પ્રેમ સબંધ બંધાયા હતા. આ સંબંધોથી પરિવારજનો નારાજ હતા, યુવકથી દીકરીનો પીછો છોડાવવા માટે સગીરાને સોનગઢ તાલુકામાંથી પસાર થતા આહવા રોડ પર આવેલ એક ગામમાં રહેતા તેના દાદાને ઘરે મૂકી ગયા હતા.

 

 

 

જોકે યુવકે સગીરા સાથે ત્યાં પણ સંપર્ક જાળવી રાખ્યો હતો અને તેઓ અવાર-નવાર મળતા રહેતા હતા. આખરે 8મી જાન્યુઆરી એ રાત્રિના સમયે દાદાને ત્યાં રહેતી સગીરાને આરોપી હિતેશ લગ્ન કરવાની લાલચ આપી અને પોતાનો ખોટો ઈરાદો પાર પાડવા માટે ભગાડીને લઈ ગયો હતો.