તાજેતરમાં બાલ રક્ષક પ્રતિષ્ઠાન સંસ્થા મહારાષ્ટ્ર અને મહાત્મા ગાંધી સાહિત્ય મંચ, ગાંધીનગરના સહયોગથી ભારતમાતા મંદિર, ગાંધીનગર ખાતે ગુજરાતના ૪૦ ઇનોવેટીવ શિક્ષકોનું સમ્માન સમારંભ યોજાયો હતો, જેમાં શિક્ષકોને રાષ્ટ્રીય-આંતરરાષ્ટ્રીય અને ગુજરાત ગૌરવ એવોર્ડ ૨૦૨૧થી સમ્માનિત કરવામાં આવ્યા હતા. આ સમારંભમાં તાપી જિલ્લાના વ્યારા તાલુકાના કપુરા પ્રાથમિક શાળાના ઉ.શિ. રાજ્ય પારિતોષિક શ્રેષ્ઠ શિક્ષક શ્રીમતિ પારૂલબેન પી.ચક્રવર્તીને "રાષ્ટ્રપિતા મહાત્મા ગાંધી-નેશનલ ટીચર એવોર્ડથી સંસ્થાના અધ્યક્ષ ડો.રાની ખેડીકરના હસ્તે સમ્માનિત કરવામાં આવ્યા છે. આ કાર્યક્રમમાં મહારાષ્ટ્રથી સંસ્થાના તમામ હોદ્દેદારો, ગાંધીનગરના ડેપ્યુટી મેયર, મહાત્મા ગાંધી સાહિત્ય મંચના અધ્યક્ષ ડો.ગુલાબચંદ પટેલ, શિક્ષણ વિભાગના રાવલ સહિત અન્ય મહાનુભાવો તથા ગુજરાત રાજ્યના જુદા-જુદા જિલ્લામાંથી શિક્ષકો હાજર રહ્યા હતાં જેઓને પ્રમાણપત્ર-શિલ્ડ અને મોમેન્ટો આપી સમ્માનિત કરવામાં આવ્યા હતા. અત્રે ઉલ્લેખનીય છે કે, બાલ રક્ષક પ્રતિષ્ઠાન મહારાષ્ટ્ર સ્થિત સંસ્થા છે જે દિવ્યાંગ બાળકો અને શાળા બહારના બાળકોના ઉત્થાન માટે કાર્યશીલ છે.