તાપીમિત્ર ન્યુઝ,સોનગઢ:સોનગઢ તાલુકાના ધમોડી ગામના ત્રણ રસ્તા પાસે આજરોજ કોઈ અજાણ્યા આઇસર ટેમ્પા ચાલકે પોતાના કબ્જાના આઇસર ટેમ્પાને પુર ઝડપે અને ગફલત ભરી રીતે હંકારી લાવી સાયકલ સવાર મંગાભાઈ મનાભાઈ ગામીત (ઉ.વ.૪૮)રહે,નિશાળ ફળિયું,ધમોડી-સોનગઢ નાઓને અડફેટમાં લઇ રોડ પર પાડી નાંખી માથાના પાછળના ભાગે તેમજ જમણા પગના ઘુઠણના ભાગે ગંભીર ઇજા પહોંચાડી સ્થળ પરજ મંગા ભાઈ ગામીતનું મોત નિપજાવી આઇસર ટેમ્પો લઈ નાસી ગયો હોવાની ફરિયાદ સોનગઢ પોલીસ મથકે મનાભાઈ અખાલીયાભાઈ ગામીતે કરી હતી જેમની ફરિયાદને આધારે અજાણ્યાં આઇસર ટેમ્પા ચાલક વિરુદ્ધ ગુન્હો રજીસ્ટર કરી આગળની વધુ તપાસ શરૂ કરવામાં આવી છે.