તાપીમિત્ર ન્યુઝ,વાલોડ:વાલોડ તાલુકાના દોડકિયા ગામ માંથી આજરોજ બપોરના સમયે ૧૨:૩૦ કલાકના અરસામા અનિલભાઈ ગમાભાઈ ચૌધરીના ખેતરમાં ભાત કાપણી કરતા મજૂરોને અજગર નજરે પડતા મજૂરો ભયભીત થઈ ગયા હતા. અજગર હોવાનુ માલુમ પડતા ગ્રામજનો પણ અજગર જોવા ઘટના સ્થળે ઉમટી પડ્યા હતા અને ત્યારબાદ વાલોડ ગામના સાહાસીક યુવાનો જે સાપ પકડવાનો અનુભવ ધરાવતા હોય અહમદ,સિદ્દીક,તારીખ અને સઇદને જાણ કરવામાં આવી હતી અને ઘટના સ્થળ પર પહોંચી યુવાનોએ ભારે જહેમત ઉઠાવી આશરે ૮ ફૂટ લંબાઇ ધરાવતો મહાકાય અજગરને પકડી દૂર જંગલમાં મુક્ત કરવાની તજવીજ આદરી હતી.