Tapi mitra News-દેશના વિવિધ ભાગોમાં દવાઓ, તબીબી ઉપકરણો , વસ્તુઓ અને ખાદ્ય ચીજોનો પુરવઠો પહોંચાડી શકાય તે માટે આવતીકાલ તા. ૨૩થી તા.૩જીમે સુધી ૨ વિશેષ પાર્સલ ટ્રેનો રાજકોટ અને ઓખાથી દોડાવવાનું નક્કી કર્યું છે. કોઇમ્બતુર અને તીરૂવન્તપુરમ સ્ટેશન માટે આ ટ્રેન રવાના થશે. રાજકોટ - કોઇમ્બતુર પાર્સલ વિશેષ ટ્રેનના ૪ ફેરા અને ઓખા - તિરુવનંતપુરમ સેન્ટ્રલ પાર્સલ વિશેષ ટ્રેન બે ફેરા રહેશે. રાજકોટ કોઇમ્બતુર પાર્સલ વિશેષ ટ્રેન તા. ૨૩ અને ૩૦ એપ્રિલના રોજ રાજકોટથી સાંજે ૫:૩૦ વાગ્યે ઉપડી , ત્રીજા દિવસે બપોરે ૨:૩૦ વાગ્યે કોઈમ્બતુર પહોંચશે. જ્યારે ઓખા - તિરુવનંતપુરમ સેન્ટ્રલ પાર્સલ વિશેષ ટ્રેન ઓખા - તિરુવનંતપુરમ સેન્ટ્રલ પાર્સલ વિશેષ ટ્રેન તા. ૨૭ એપ્રિલના રોજ બપોરે ૧:૧૦ વાગ્યે ઓખાથી ઉપડશે અને ત્રીજા દિવસે તિરુવનંતપુરમ સેન્ટ્રલ બપોરે ૧૨:૦૦ વાગ્યે પહોંચશે. કોવિડ-૧૯ આપત્તિ દરમિયાન ટાઈમ ટેબલ્ડ વિશેષ પાર્સલ ટ્રેનો દ્વારા લોકડાઉન સમયગાળા દરમિયાન દેશના વિવિધ ભાગોમાં દવાઓ, તબીબી ઉપકરણો, તબીબી વસ્તુઓ, ખાદ્ય ચીજો વગેરે જેવી આવશ્યક ચીજવસ્તુઓની સપ્લાય માટે આ ટ્રેનો ચલાવવામાં આવશે.